پنجاب ریونیو اتھارٹی کی انفورسمنٹ ٹیموں کیلئے یونیفارم منظور
خواتین سفید شرٹ،خاکی ٹراؤزر اور نیوری رنگ کا سکارف پہن سکیں گی
لاہور (اپنے سٹی رپورٹر سے )وزیر اعلیٰ پنجاب کی ہدایت پر پنجاب ریونیو اتھارٹی کی انفورسمنٹ ٹیموں کیلئے یونیفارم کی منظوری دے دی گئی ہے ۔ مرد افسران خاکی پینٹ، سفید شرٹ کے یونیفارم میں ملبوس ہوں گے ۔ سردیوں میں نیوی بلیو کوٹ اور بیچز کی بھی منظوری دے دی گئی ہے ۔خواتین انفورسمنٹ اور آڈٹ افسران سفید شرٹ،خاکی ٹراؤزر اور نیوری رنگ کا سکارف پہن سکیں گی۔ خواتین افسران ویب بیلٹ اور نیوی بلیو کوٹ میں ملبوس ہوں گی۔ ترجمان کے مطابق سرکاری تقریبات کیلئے یونیفارم کی رنگت میں گرے شرٹ شامل ہو گی۔ابتدائی طور پر تمام افسران کو دو یونیفارم سیٹ فراہم کیے جائیں گے ۔ واضح رہے کہ افسران ٹیکس کولیکشن سمیت فیلڈ آپریشنز میں بغیر یونیفارم کارروائی کے مجاز نہ ہوں گے ۔
روزنامہ دنیا ایپ انسٹال کریں
