غزوہ کے صورتحال انتہائی تشویشنا ک ہے ،شاداب رضا قادری
ملتان (کرائم رپورٹر )سربراہ پاکستان سنی تحریک محمد شاداب رضا نقشبندی نے صوبائی صدر جنوبی پنجاب ڈاکٹر عمران مصطفی کھوکھر ،خواجہ ندیم مدنی صدیقی،ملک عامر علی وینس،قاری طاہر فیضی۔۔۔
محمد افضل خان سعیدی،سید منور شاہ کے ہمراہ پریس کانفرنس کرتے ہوئے کہا کہ کہا کہ سربراہ کی ذمہ داری سنبھالنے کے بعد ملتان کا پہلا دورہ ہے ملکی و عالمی حالات کے پیش نظر اہمیت کی حامل بھی ہے ، سب سے پہلے میں فلسطین کے حوالہ سے بات کرنا چاہوں گا کیونکہ غزہ کی صورتحال اس بات متقاضی ہے کہ فلسطینیوں کے حق میں اور اسرائیلی ظلم و بربریت کے خلاف بات کی جائے ، کم و پیش 50 ہزار سے زائد شہادتوں اور ایک سال سے زائد عرصے سے غزہ کے مٹھی بھر مجاہدین نے امریکا و اسرائیل جیسی نام نہاد سپر پاورز کو جس حوصلے اور استقامت سے نتھ ڈال رکھی ہے وہ قابل تحسین و تقلید ہے ، ہم اس بات کو بخوبی سمجھتے ہیں کہ پاکستان سنی تحریک کی اول روز جاری یکجہتی فلسطین مہم جس میں ہم نے ملک بھر میں مارچ ، ریلیاں ، مظاہرے ، کانفرنسز ، کنونشنز ، دستخط مہم جیسی کئی سرگرمیاں پچھلے ایک سال سے زائد عرصے سے تسلسل سے جاری ہیں اور فلسطینی سفیر سے اسلام آباد میں ملاقات کی اور پاکستان سنی تحریک و اہل پاکستان کی بھرپور حمایت کا اظہار کیا ۔ کل ملتان میں ہونے والے آزادی فلسطین وکلائکنونشن و ورکرز کنونشن بھی اسی تسلسل کی ایک کڑی ہے ، ہم نے فلسطین کے مسئلے پر اہل اقتدار کے نام ایک کھلا خط جاری کیا ہے تاکہ اہل اقتدار کی غیرت ایمانی کو جگایا جا سکے ۔
