جعلی دستاویزات اور دھوکے سے ویزا حاصل کرنے والے 4مسافر گرفتار
کراچی(مانیٹرنگ ڈیسک ،نیوز ایجنسیاں) ایف آئی اے امیگریشن نے کراچی ائر پورٹ پر کارروائی کے دوران جعلی دستاویزات اور دھوکہ دہی کے ذریعے ویزا حصول میں ملوث 4 مسافروں کو گرفتار کرلیا۔
ترجمان ایف آئی اے کے مطابق کارروائی کے دوران محمد عارف، محمد گل، زرینہ اور شہنازگل کی گرفتاری عمل میں آئی، ملزم عارف ساؤتھ افریقا سے پاکستان پہنچا تھا ، ملزم کے پاسپورٹ پر ساوتھ افریقا کا جعلی ویزا لگاہوا تھا جبکہ ملزم محمد گل، زرینہ اور شہناز گل عمرہ ویزے پر جا رہے تھے ۔ملزمان کا تعلق شکارپور اور رحیم یارخان سے ہے ، ملزمان کے پاسپورٹس پر جائے پیدائش گجرانوالہ اور سرگودھا درج تھی۔
روزنامہ دنیا ایپ انسٹال کریں
