مختلف وارداتیں، لاکھوں روپے کا سامان ،بھینسیں چوری
کوٹ ادو(نامہ نگار ،تحصیل رپورٹر)مختلف وارداتیں میں لاکھوں روپے کا سامان ور بھینسیں چوری کرلی گئیں۔
تفصیلات کے مطابق کوٹ ادو کے نواحی علاقہ موضع چودھری رہائشی صغراں بی بی اپنے رشتہ داروں کے گھر گئی ہوئی تھی،واپسی پر آ کر دیکھا تو گھر کے اندر سے دھان کی بوریاں،پیڈسٹل فین غائب تھا۔ورنمنٹ پرائمری سکول ہنجرائی والا سے چور رات کی تاریکی کا فائدہ اٹھاتے ہوئے کمرے کا تالا توڑ کر پانی والی موٹر چوری کر کے لے گئے ۔ احسان پور کے رہائشی محمد فیصل اسلم کے بھانہ سے رات کی تاریکی میں لاکھوں روپے مالیت کی چار قیمتی بھینسیں چوری ہوگئیں۔ پولیس نے الگ الگ مقدمات درج کر لئے ہیں۔
روزنامہ دنیا ایپ انسٹال کریں
