خاتون لیکچرار کا قتل، پولیس ملزموں کو ٹریس نہ کرسکی
ملتان (کرائم رپورٹر)ملتان پولیس خاتون لیکچرار کے قتل کی واردات کو تاحال ٹریس نہ کرسکی تاہم واقعے کا مقدمہ درج کرلیا گیا مقدمہ مقتولہ کے خاوند حسیب کی مدعیت میں درج کیا گیا۔
جسکے مطابق وہ اپنی اہلیہ فیروزہ بی بی اور چار سالہ بچے کے ہمراہ سسرال سے واپس آرہا تھا کہ نامعلوم مسلح شخص نے واردات کی کوشش کی اور فائرنگ کردی فائر اسکی اہلیہ کو لگے اور وہ جاں بحق ہوگئی۔ جبکہ ملزم موقع سے فرار ہوگیا پولیس کی جانب سے واقعے کی مختلف مقامات سے سی سی ٹی وی ویڈیوز حاصل کی گئی ہیں تاہم پولیس ٹیموں کو تاحال اس معاملے میں کوئی سراغ نہ ملا ہے جبکہ مقتولہ کی نماز جنازہ کے بعد تدفین کردی گئی ہے ۔
روزنامہ دنیا ایپ انسٹال کریں
