مجاہد کالونی:گندگی کے ڈھیر، خستہ حال سیوریج، شہری پریشان
سرگودھا(سٹاف رپورٹر)گندگی کے ڈھیر، خستہ حال سیوریج سسٹم اور بنیادی سہولیات کا فقدان مجاہد کالونی کی پہچان بن گئے۔۔۔
ریلوے ٹریک سے ملحقہ اس گنجان آبادی میں سیوریج نظام اور دیگر بنیادی مسائل عرصہ سے حل طلب چلے آ رہے ہیں، ملحقہ کالونیوں کاکوڑا کرکٹ بھی اسی علاقے میں ریلوے ٹریک کے ساتھ پھینک دیا جاتا ہے جس سے اٹھنے والے تعفن نے علاقہ بھر کو اپنے گھیرے میں لے رکھا ہے ،مکینوں کا کہنا ہے کہ آج تک ارکان اسمبلی اور انتظامیہ کے کسی نمائندے کو اس طرف آنے کی تکلیف محسوس نہیں کی صرف ووٹ لینے آئے تھے ،جبکہ کارپوریشن کے افسران و عملہ کسی کی سنتا ہی نہیں اس لئے لوگ جانوروں کی سی زندگی گزارنے پر مجبور ہیں ،مکینوں نے ارباب اختیار سے نوٹس لینے کا مطالبہ کیا ہے۔
روزنامہ دنیا ایپ انسٹال کریں
