آر پی او محمد شہزاد آصف کا د ورہ میانوالی ، پولیس ریکارڈ کا تفصیلی جائزہ
سرگودھا،کمرمشانی (سٹاف رپورٹر،نامہ نگار)سرگودھا آر پی او محمد شہزاد آصف خان کا دورہ میانوالی۔میانوالی کے ہارڈ ایریا تھانوں کے ، سکیورٹی انتظامات کا معائنہ اور تعینات جوانوں سے ملاقات کی سرگودھا ریجنل پولیس آفیسر سرگودھا محمد شہزاد آصف۔۔۔
خان نے ڈی پی او میانوالی اختر فاروق کے ہمراہ میں ہارڈ ایریا میں واقع تھانہ چاپری اور تھانہ مکڑوال کا وزٹ کیا۔ دونوں تھانوں کے سیکیورٹی انتظامات، عوام کو دی جانے والی سہولیات اور پولیس ریکارڈ کا تفصیلی جائزہ لیا۔ ڈی پی او میانوالی نے ہارڈ ایریا میں موجود تھانوں اور چیک پوسٹوں کی سیکیورٹی کے متعلق تفصیلاً بریف کیا۔انہوں نے تھانوں میں تعینات افسران و جوانوں سے ملاقات بھی کی۔ آر پی او نے سکیورٹی انتظامات پر اطمینان کا اظہار کرتے ہوئے ان کو مزید بہتر بنانے اور وہاں پر تعینات نفری کو دہشت گردی اور ہنگامی حالات سے نبٹنے کے پیش نظر سکیورٹی کو ہائی الرٹ رکھنے کی ہدایات جاری کیں۔
