ریلوے الیکٹرک سگنل بکس کی چوری ناکام، ملزم رنگے ہاتھوں گرفتار
لاہور(اپنے کامرس رپورٹر سے )ریلویز پولیس نے ریلوے الیکٹرک سگنل بکس کی چوری ناکام بناتے ہوئے ملزموں کورنگے ہاتھوں گرفتار کرلیا ۔
ترجمان ریلوے کے مطابق ملزم قیمتی ریلوے مٹیریل رکشے میں رکھ کر لے جا رہے تھے کہ چوکی انچارج شاہدرہ محمد عرفان نے رنگے ہاتھوں گرفتار کرلیا۔ملزمان دانش اور مقصود نے ریلوے یارڈ شاہدرہ سے قیمتی سگنل بکس چوری کرنے کی کوشش کی جبکہ ملزموں سے چوری کے سامان سے حاصل کردہ رقم بھی برآمد کرلی گئی۔دوران تفتیش ملزم سابق ریکارڈ یافتہ بھی ثابت ہوئے جو اس سے قبل دیگر واردات میں ملوث نکلے ، ملزموں سے چوری میں استعمال ہونے والے آلات بھی برآمد ہوئے ۔
روزنامہ دنیا ایپ انسٹال کریں
