شوہر کی گرفتاری کا معاملہ، ایف آئی اے نے اداکارہ نادیہ حسین کو بھی طلب کرلیا
لاہور: (ویب ڈیسک) شوہر کی گرفتاری کے معاملے میں وفاقی تحقیقاتی ادارے ایف آئی اے نے اداکارہ نادیہ حسین کو طلب کرلیا۔
ایف آئی اے کارپوریٹ کرائم سرکل نے پیشی کےلیے نوٹس جاری کردیا۔
ایف آئی اے حکام کے مطابق نادیہ حسین کو کیس کے حوالے سے ضروری دستاویزات لانے کی ہدایات کی گئی ہیں، نادیہ حسین کے اکاؤنٹ میں شوہر کی جانب سے کروڑوں روپے منتقل کیے گئے۔
حکام کے مطابق ادکارہ نادیہ حسین کو 14 اپریل دوپہر ڈیڑھ بجے پیش ہونے کی ہدایت کی گئی ہے، ایف آئی اے حکام کا کہنا ہے کہ نادیہ حسین سے مختلف سوالات کرنے ہیں۔
