ککڑ خاندان میں دراڑ، سونو ککڑ نے بہن اور بھائی سے تعلقات ختم کر دیئے
ممبئی: (ویب ڈیسک) بھارتی گلوکارہ سونو ککڑ نے اپنی معروف گلوکارہ بہن نیہا ککڑ اور بھائی ٹونی ککڑ سے تعلقات ختم کرنے کی تصدیق کر دی۔
گلوکارہ کی جانب سے انسٹاگرام اور ایکس پر ایک پوسٹ شیئر کی گئی جس میں انہوں نے جذباتی پیغام تحریر کیا، لیکن حیران کن طور پر بعدازاں سونو نے اپنی پوسٹ ڈیلیٹ کر دی۔
گلوکارہ نے سوشل میڈیا پر لکھا کہ آپ سب کو یہ بتاتے ہوئے دل کی گہرائیوں سے مایوسی ہو رہی ہے کہ میں اب دو باصلاحیت سپر سٹارز ٹونی ککڑ اور نیہا ککڑ کی بہن نہیں ہوں، میرا یہ فیصلہ گہرے جذباتی درد کی وجہ سے ہے، اور میں آج واقعی دلبرداشتہ ہوں۔
ابھی تک سونو ککڑ کی جانب سے کوئی وضاحتی بیان جاری نہیں کیا گیا ہے، لیکن گلوکارہ کی جانب سے اچانک اس اعلان اور بعد میں پوسٹ ڈیلیٹ کرنے پر صارفین الجھن کا شکار ہیں جبکہ نیہا اور ٹونی کی جانب سے بھی اس معاملے پر کوئی ردعمل سامنے نہیں آیا۔
بھارتی میڈیا کے مطابق اس وقت ککڑ بہن بھائیوں کے درمیان دراڑ نظر آتی ہے، وہ ماضی میں اکثر ایک دوسرے کے ساتھ کھڑے نظر آتے رہے اور عوامی پلیٹ فارمز پر پیار سے بات کرتے رہے ہیں۔
واضح رہے کہ سونو، نیہا اور ٹونی ککڑ اپنے اشتراک سے مداحوں کو مسحور کرتے رہے ہیں۔
