صرف ری الیکشن سےبات نہیں بنےگی،ووٹ چوری کرنےکاحساب دیناہوگا:مریم نواز
پاکستان
لاہور: (دنیا نیوز) مسلم لیگ نون کی نائب صدر مریم نواز نے کہا ہے کہ صرف ری الیکشن سے بات نہیں بنے گی، عمران خان اور ان کی حکومت کو ووٹ چوری کرنے کا حساب دینا ہو گا۔
مریم نواز نے ٹویٹر پر اپنے پیغام میں کہا کہ ثابت ہو گیا عمران خان اور اس کی جعلی حکومت نے ڈسکہ کے عوام کے ووٹ پر ڈاکہ ڈالا، صرف ری الیکشن سے بات نہیں بنے گی، الیکشن کمیشن کےعملے کو اغوا اور ووٹ چوری کرنےکاحساب دیناہوگا۔
آج ایک بار پھر ثابت ہوگیا کہ عمران خان اور اسکی جعلی حکومت نے ڈسکہ کے عوام کے ووٹ پر ڈاکہ ڈالا ہے۔ صرف ری الیکشن سے بات نہیں بنے گی۔ ان وارداتیوں کو ووٹ چوری کرنے اور الیکشن کمیشن کے عملے کو اغوا کرنے کے جرم کا حساب دینا ہوگاانشاءاللّہ pic.twitter.com/zkYCoxGsI9
— Maryam Nawaz Sharif (@MaryamNSharif) April 2, 2021
انہوں نے مزید کہا کہ مسلم لیگ ن کے تمام شیروں کو مبارکباد جنہوں نے نہ صرف ووٹ چور ٹولے کا ڈٹ کر مقابلہ کیا بلکہ اپنے ووٹ پر پہرہ بھی دیا۔ شاباش ڈسکہ والو،شاباش ! شاباش نوشین ۔
مسلم لیگ ن کے تمام شیروں کو مبارکباد جنہوں نے ناصرف ووٹ چور ٹولے کا ڈٹ کر مقابلہ کیا بلکہ اپنے ووٹ پر پہرہ بھی دیا۔ شاباش ڈسکہ والو،شاباش ! شاباش نوشین @SyedaNosheenPK
— Maryam Nawaz Sharif (@MaryamNSharif) April 2, 2021
واضح رہے کہ مریم نواز سپریم کورٹ کی جانب سے ڈسکہ کے حلقے این اے 75 میں دوبارہ پولنگ کرانے سے متعلق حکم پر اپنا ردعمل دے رہی تھیں۔
