کہروڑ پکا، لودھراں میں 2 بچے کھلے مین ہول میں گر کر جان کی بازی ہار گئے
کہروڑ پکا، لودھراں: (دنیا نیوز) پنجاب کے شہروں کہروڑ پکا اور لودھراں میں 2 بچے کھلے مین ہول میں گر کر جان کی بازی ہار گئے۔
کہروڑ پکا کے علاقے دھنوٹ میں ایک افسوسناک حادثہ پیش آیا جہاں سکول جاتے ہوئے سات سالہ ریحان کھلے مین ہول میں گر گیا، ریسکیو ٹیم نے بچے کو تشویشناک حالت میں باہر نکالا اور فوری طور پر سپتال منتقل کیا تاہم وہ جانبر نہ ہو سکا۔
ریسکیو حکام کے مطابق حادثہ حفاظتی انتظامات نہ ہونے کے باعث پیش آیا، واقعے نے علاقے میں شدید دکھ اور غصے کی فضا پیدا کر دی ہے جبکہ شہریوں نے انتظامیہ سے ذمہ داروں کے خلاف سخت کارروائی کا مطالبہ کیا ہے۔
دوسری جانب لودھراں میں بھی 7 سالہ بچہ کھلے مین ہول میں گر کر جاں بحق ہو گیا، لودھراں کے علاقے دھنوٹ میں 7 سالہ ریحان کھلے مین ہول میں گر کر جان کی بازی ہارا۔
ریسکیو ذرائع نے بتایا کہ ریاض آباد کالونی کا 7 سالہ ریحان والد کے ساتھ ناشتہ لینے سعید چوک آیا تھا۔
ریحان والد کے ساتھ چلتے ہوئے کُھلے مین ہول میں گرا، واقعے کی فوری اطلاع ریسکیو اہلکاروں کو دی گئی، ریسکیو آپریشن کے بعد بچے کو نکال کر فوری ہسپتال منتل کیا تاہم بچہ جانبر نہ ہوسکا اور دم توڑ گیا۔
پنجاب میں کھلے مین ہولز پر زیرو ٹالرنس کا اعلان
وزیراعلیٰ پنجاب کی ہدایت پر صوبے بھر میں مین ہولز کی کورنگ اور واٹر سپلائی مینجمنٹ کے حوالے سے اہم جائزہ اجلاس منعقد ہوا جس میں حفاظتی اقدامات مزید سخت کرنے کا فیصلہ کیا گیا، اجلاس کی صدارت صوبائی وزیر ہاؤسنگ بلال یاسین نے کی۔
بلال یاسین نے تمام اضلاع کے ایم ڈیز کو واضح ہدایت جاری کی کہ ہر مین ہول کا ڈھکن ہر صورت یقینی بنایا جائے، فنکشنل واسا اضلاع میں اگر کوئی مین ہول کھلا پایا گیا تو متعلقہ افسر براہِ راست ذمہ دار ٹھہرے گا۔
بلال یاسین نے واضح کیا کہ مین ہولز سے متعلق کسی بھی شکایت یا حادثے پر زیرو ٹالرنس کی پالیسی اپنائی جائے گی اور ذمہ داران کے خلاف سخت کارروائی ہوگی۔
