سٹاک مارکیٹ میں انڈیکس ایک لاکھ 67 ہزار پوائنٹس کی حد پر برقرار
کراچی: (دنیا نیوز) پاکستان سٹاک مارکیٹ میں انڈیکس ایک لاکھ 67 ہزار پوائنٹس کی حد پر برقرار ہے۔
کاروباری ہفتے کے پہلے روز کاروبار کے آغاز پر سٹاک ایکسچینج میں تیزی دیکھنے میں آئی، 800 سے زائد پوائنٹس کے اضافے کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 67 ہزار 966 پوائنٹس کی سطح پر پہنچ گیا۔
واضح رہے کہ گزشتہ کاروباری روز کے اختتام پر ہنڈرڈ انڈیکس 802 پوائنٹس کے اضافے کیساتھ ایک لاکھ 67 ہزار 085 پوائنٹس کی سطح پر بند ہوا تھا۔
دوسری جانب انٹر بینک میں امریکی کرنسی کی قدر مستحکم رہی، ڈالر 280.42 روپے پر برقرار ہے۔
