ٹیسٹ چیمپئن شپ میں آسٹریلیا کا بدستور پہلا نمبر، انگلینڈ کی تنزلی
لاہور: (ویب ڈیسک) آسٹریلیا نے برسبین میں دوسرے ایشز ٹیسٹ میں انگلینڈ کو 8 وکٹ سے مات دے کر سیریز میں 0-2 کی برتری کیساتھ ہی انگلش ٹیم کو ٹیسٹ چیمپئن شپ میں بھی پیچھے دھکیل دیا۔
دوسرے ٹیسٹ میں فتح سے آسٹریلیا نے ورلڈ ٹیسٹ چیمپیئن شپ 27-2025 میں خود کو ناقابل تسخیر بنائے رکھا۔
کینگروز اب تک نئے دورانیے کے تمام پانچوں میچز میں کامیاب رہا ہے جبکہ انگلش ٹیم مسلسل دوسری شکست کے بعد ساتویں نمبر پر چلی گئی۔
جنوبی افریقہ حسب سابق دوسرے، سری لنکا تیسرے اور پاکستان چوتھے نمبر پر ہے جبکہ بھارتی ٹیم پانچویں پوزیشن پر ہے، چھٹا نمبر نیوزی لینڈ کے قبضے میں آ گیا ہے۔
