پاکستان سمیت دنیا بھر میں آج مٹی کا عالمی دن منایا جا رہا ہے
لاہور: (دنیا نیوز) پاکستان سمیت دنیا بھر میں آج مٹی کا عالمی دن منایا جا رہا ہے جس کا مقصد صحت مند زمین کی اہمیت کو اجاگر کرنا اور زمینی وسائل کو پائیدار طریقوں سے استعمال کرنے پر توجہ مرکوز کرنا ہے۔
ایک رپورٹ کے مطابق پاکستان سمیت دنیا بھر میں کیمیائی کھادوں کے لگاتار اور ضرورت سے زیادہ استعمال سے مٹی میں طبعی تبدیلیاں واقع ہو رہی ہیں، ہماری 95 فیصد غذا مٹی سے ہی حاصل ہوتی ہے۔
زمین پر بے جا کیمکل سپرے سے پیداوار تو بڑھائی جا رہی ہے تاہم اس میں سے غذائیت کا عنصر کم ہوتا جا رہا ہے، مٹی خراب ہونے کے سبب زمین بنجر ہو جاتی ہے اور پیداوار پر بھی اثر پڑتا ہے۔
گٹر کا پانی بھی زمین کو خراب کررہا ہے جس کی وجہ سے ماحولیاتی مسائل پیدا ہو رہے ہیں، اس ضمن میں عوام اور کاشت کار کو آگاہی فراہم کرنے کی ضرورت ہے۔
صحت مند اور زرخیز زمین سے ہی اچھی فصل کی پیداوار ممکن ہے، اس لیے ہم سب کو مل کر اپنے ماحول اور مٹی کی حفاظت کیلئے کام کرنا ہوگا۔
