غزہ میں صیہونی فورسز کی بربریت جاری، مزید 35 فلسطینی شہید
غزہ: (دنیا نیوز) اسرائیلی فورسز کے وحشیانہ حملوں میں کمی نہ آ سکی، 24 گھنٹوں میں مزید 35 فلسطینی شہید جبکہ 94 زخمی ہوگئے۔
عرب میڈیا کے مطابق صیہونی افواج نے وسطی غزہ اور اطراف میں ڈونز اور ٹینکوں سے گولہ باری کی، اسرائیلی فوج کا کمال اعدوان ہسپتال پر ایک بار پھر حملہ کیا جس میں 2افراد شہید ہسپتال کے ڈائریکٹر سمیت متعدد طبی عملہ زخمی ہوا۔
صیہونی فوج نے انڈونیشین ہسپتال پر بھی حملہ کیا جس میں 2 فلسطینی شہید جبکہ متعدد زخمی ہوگئے، رفاہ کے قریب اسرائیلی حملے میں چار فلسطینی شہید ہوئے، بوریج کیمپ فضائی حملے میں بھی چار افراد شہید ہوئے۔
عرب میڈیا کے مطابق اسرائیلی نسل کشی میں 44 ہزار 246 فلسطینی شہید جبکہ 1 لاکھ 5 ہزار سے زائد زخمی ہو چکے ہیں۔
