وقت آچکا ،عالمی برادری بانی پی ٹی آئی کیلئے بھرپور آواز اٹھائے :زیک گولڈسمتھ
لندن (مانیٹرنگ ڈیسک)عمران خان کیلئے زیک گولڈ سمتھ نے عالمی برادری سے اپیل کرتے ہوئے کہاکہ اب وقت آچکا ہے کہ عالمی برادری بانی پی ٹی آئی کے لئے بھرپور آواز اٹھائے ۔
زیک گولڈ سمتھ نے سوشل میڈیا پیغا م میں عالمی برادری کی توجہ مبذول کراتے ہوئے کہا کہ اڈیالہ جیل میں قید بانی پی ٹی آئی عمران خان پاکستانی عوام کے پسندیدہ ترین لیڈر ہیں،اطلاعات کے مطابق اس وقت پاکستان میں عمران خان کے لئے صورتحال کافی خطر ناک ہوچکی ہے ، یہ لوگ اقتدار اور طاقت کیلئے کچھ بھی کرسکتے ہیں۔زیک گولڈ سمتھ نے کہا کہ ان عناصر کی کوئی بھی حرکت عمران خان اور پاکستان کے لئے خطرناک ہوسکتی ہے ۔
روزنامہ دنیا ایپ انسٹال کریں
