اقتدار کے آخری روز میرے قتل کامنصوبہ بنایا گیا تھا:شیخ حسینہ واجد

نئی دہلی (مانیٹرنگ ڈیسک)بنگلہ دیش کی سابق وزیر اعظم شیخ حسینہ کا کہنا ہے کہ اقتدار کے آخری دن مجھے اور میری بہن ریحانہ کو قتل کرنے کی کوشش کی گئی ۔
بھارتی میڈیا کے مطابق شیخ حسینہ نے سوشل میڈیا پلیٹ فارمز پر اپنے حامیوں سے خطاب کے دوران حکومت کے آخری دن کا حوالہ دیتے ہوئے کہا کہ 5 اگست 2024کو ہمارا بچ جانا اللہ کی مہربانی سے ممکن ہوا، ورنہ اس دن بھی مجھے مارنے کا منصوبہ بنایا گیا تھا۔شیخ حسینہ نے بتایا کہ21 اگست 2004کو ایک ریلی کے دوران مجھ پر ایک گرینیڈ حملہ ہوا تھا جس میں 24 افراد ہلاک ہوئے جبکہ میں زخمی ہوئی تھی۔