اسرائیل نے امریکا سے جنگ بند کرانے کی اپیل کی:برطانوی میڈیا
لندن،واشنگٹن(نیوز ایجنسیاں )برطانوی نشریاتی ادارے نے دعویٰ کیا ہے کہ اسرائیل نے خطرہ بڑھتا محسوس کرتے ہوئے امریکا سے جنگ بندی کرانے کی درخواست کی جبکہ امریکی میڈیا کا کہنا ہے جنگ بندی میں قطر نے اہم کردار ادا کیا۔۔۔
برطانوی نشریاتی ادارے کی رپورٹ کے مطابق یہ اقدام اس وقت سامنے آیا جب ایران کی جانب سے قطر میں واقع امریکی فوجی اڈے پر میزائل حملے کے بعد خطے میں تناؤ خطرناک حد تک بڑھ گیا تھا۔امریکی ٹی وی کی رپورٹ کے مطابق قطری رہنماؤں کی جانب سے ایران کوجنگ بندی تجاویز دی گئیں جبکہ نائب صدرجے ڈی وینس نے صدرٹرمپ اور قطری رہنماؤں کے ساتھ جنگ بندی کرائی۔
روزنامہ دنیا ایپ انسٹال کریں
