31مارچ سے پہلے جنگ بندی پر لاکھوں ڈالر کی شرطیں
آن لائن پلیٹ فارم پر 21مارچ کے قریب بنے اکاؤنٹس سے شرط لگائی گئی مہینے کے آخر تک جنگ بندی کے امکانات 6فیصد سے 24فیصد تک پہنچ گئے
واشنگٹن(مانیٹرنگ سیل ) آن لائن پلیٹ فارم Polymarket پر کچھ اکاؤنٹس نے اس ہفتے کے آخر میں امریکا اور ایران کے درمیان جنگ بندی پر شرطیں لگائیں، جو ماہرین کے مطابق اندرونی معلومات کے آثار ظاہر کرتی ہیں۔آٹھ نئے اکاؤنٹس، جو تقریباً 21 مارچ کے قریب بنائے گئے ، نے کل تقریباً 70ہزار ڈالر کی شرط لگائی کہ جنگ بندی ہوگی۔ اگر یہ معاہدہ 31 مارچ سے پہلے طے پایا، تو یہ اکاؤنٹس تقریباً 8لاکھ 20ہزار ڈالر کما سکتے ہیں۔پولی مارکیٹ کی اپنی درجہ بندی کے مطابق 31 مارچ سے پہلے جنگ بندی کے امکانات چند دنوں میں نمایاں طور پر بڑھ کر 6 فیصد سے 24 فیصد تک پہنچ گئے اور اس نتیجے پر 2کروڑ 10لاکھ ڈالر سے زیادہ کی شرطیں لگائی گئی ہیں۔
روزنامہ دنیا ایپ انسٹال کریں
