یمنی حوثی باغیوں کے سرکاری فورسزپرحملے ،58 اہلکارہلاک
وسطی یمن ،سعودی سرحد کے قریب فوجی کیمپوں کو نشانہ بنایا:حوثی ترجمان
صنعا،عدن(اے ایف پی)یمن کے ایرانی حمایت یافتہ حوثی گروپ نے سعودی حمایت یافتہ حکومتی فورسز پر بڑے حملے کی ذمہ داری قبول کرتے ہوئے کہا ہے کہ کارروائی سعودی عرب کی مبینہ فوجی نقل و حرکت کے جواب میں کی گئی۔ حوثیوں کے فوجی ترجمان یحیی سریع کے مطابق حملے میں سعودی حمایت یافتہ افواج کے ٹھکانوں کو نشانہ بنایا گیا۔ طبی ذرائع کا کہنا ہے کہ حملوں میں کم از کم 58 یمنی سرکاری فوجی ہلاک اور 50 سے زائد زخمی ہوئے ہیں۔ حوثیوں نے الزام عائد کیا کہ سعودی عرب حملے کی تیاری کر رہا تھا جس کے جواب میں وسطی یمن اور سعودی سرحد کے قریب فوجی کیمپوں کو نشانہ بنایا ۔سعودی حکام کی جانب سے فوری طور پر کوئی ردعمل سامنے نہیں آیا۔یمن کی حکومت نے حوثی باغیوں کے میزائل اور ڈرون حملوں کا جواب دینے کا اعلان کیا ہے ۔یمن کی وزارت دفاع نے بیان میں کہا کہ مسلح افواج ان حملوں کا مناسب وقت اور مقام پر جواب دیں گی۔
Comments / رائے دیں
Share your thoughts. Comments are reviewed before they appear publicly.
Approved Comments