روہت شیٹی کا دیپیکا کیساتھ ‘لیڈی سنگھم’ بنانے کا اشارہ
ممبئی (شوبزڈیسک)بالی ووڈ کے معروف ہدایتکار روہت شیٹی نے دیپیکا پڈوکون کے ساتھ لیڈی سنگھم علیحدہ فلم بنانے کا اشارہ دے دیا۔
انہوں نے بتایا کہ ابھی اس فلم کا سکرپٹ تحریر نہیں کیا گیا ہے لیکن ان کے پاس اس فلم کے لئے ایک خیال موجود ہے مگر یہ واضح نہیں ہے کہ اس کو کس سمت میں لے جایا جائے گا تاہم وہ لیڈی پولیس افسر پر علیحدہ فلم بنانے کا سوچ رہے ہیں۔روہت نے انکشاف کیا کہ خاتون پولیس افسر کا کردار شامل کرنے کا خیال ان کے ذہن میں ‘سوریا ونشی’ کے دوران آیا تھا، جو اکشے کمار کی فلم تھی۔روہت نے یہ بھی واضح کیا کہ ‘لیڈی سنگھم’ کے کردار پر مبنی فلم ضرور بنائی جائے گی ورنہ اس کردار کو متعارف ہی نہیں کروایا جاتا۔ ‘سنگھم اگین’ میں شکتی شیٹی کے کردار پر خاص توجہ دینے کی ایک وجہ تھی، جس سے مستقبل میں اس کردار کی اہمیت کو اجاگر کیا جانا ہے ۔
روزنامہ دنیا ایپ انسٹال کریں
