سہیل احمد کا دلجیت اور نصرت فتح کے بارے میں اہم انکشاف
لاہور(شوبزڈیسک) معروف اداکار، کامیڈین اور میزبان سہیل احمد نے دلجیت دوسانجھ کی محبت اور۔
نصرت فتح علی خان کے حوالے سے اپنے خیالات کا اظہار کرتے ہوئے بتایا کہ جب بھی وہ دلجیت کے سامنے نصرت فتح علی خان کا ذکر کرتے ، وہ انتہائی عزت سے ان کے بارے میں بات کرتے ہوئے کہتے کہ "میں نے ان جیسا فنکار کبھی نہیں دیکھا، وہ واقعی اس دنیا سے باہر تھے ۔ دلجیت دوسانجھ کا ماننا ہے کہ نصرت فتح علی خان کی موسیقی نے دنیا بھر کے لوگوں کو متاثر کیا اور ان کی شاعری اور گانے بے مثال تھے ۔ ہندوستانی فنکار پاکستانی شاعری اور ثقافت کو بہت سراہتے ہیں اور پاکستانی گلوکاروں، اداکاروں اور موسیقاروں کی عزت کرتے ہیں۔اس حوالے سے سہیل احمد نے ایک اہم نکتہ اٹھایا کہ ہمیں اپنے فنکاروں کا احترام کرنا چاہیے اور انہیں بین الاقوامی سطح پر جانے کی ضرورت نہیں ہونی چاہیے تاکہ وہ ہمارے ملک میں عزت پائیں۔انہوں نے نصرت فتح علی خان کی مثال دیتے ہوئے کہا کہ وہ اس وقت بھی ایک سٹار تھے جب لاہور کے داتا دربار کے باہر گاتے تھے ۔
