فلمی کرداروں پر ٹام کروز کیلئے امریکی بحریہ کا سول اعزاز
نیو یارک(شوبز ڈیسک)عالمی شہرت یافتہ امریکی اداکار ٹام کروز کو امریکی بحریہ کی جانب سے اعلیٰ ترین سول اعزاز سے نواز دیا گیا۔
ہالی ووڈ اداکار ٹام کروز کو ڈپارٹمنٹ آف نیوی ڈسٹنگویشڈ پبلک سروس (ڈی پی ایس) ایوارڈ سے نوازا گیا، جس میں ٹاپ گن اداکار کی امریکی بحریہ کے لیے ان کے مشہور فلمی کرداروں کے ذریعے لازوال خدمات کو سراہا گیا۔یاد رہے کہ ڈی پی ایس ایوارڈ ایسا بڑا اعزاز ہے جو بحریہ کے محکمے سے باہر کسی شہری کو عطا کیا جاسکتا ہے ۔بحریہ کے سیکرٹری کارلوس ڈیل ٹورو نے ٹام کروز ایوارڈ پیش کرتے ہوئے کہا کہ ‘ٹام کروز کو کئی فلموں کے ذریعے کئی دہائیوں تک بحریہ کی وکالت کے لیے ڈیفنس پبلک سروس ایوارڈ سے نوازنا اعزاز کی بات ہے۔ اداکار کے کام نے نئی نسل کو ہماری بحریہ اور میرین کور میں خدمات انجام دینے کی ترغیب دی ہے۔
روزنامہ دنیا ایپ انسٹال کریں
