ملکہ ترنم نور جہاں کی 24ویں برسی آج منائی جائے گی
لاہور(سپورٹس ڈیسک )تمغہ امتیاز اور پرائیڈ آف پرفارمنس کی حامل فلم انڈسٹری کی معروف گلو کارہ ملکہ ترنم نور جہاں کی24ویں برسی آج منائی جا ئے گی۔
ملکہ ترنم نور جہاں 21ستمبر 1926کو قصور میں پیدا ہوئیں۔ ان کا اصل نام اﷲ وسائی جبکہ نور جہاں ان کا فلمی نام تھا۔ انہوں نے اپنے فنی کیرئیر کا آغاز 1935 میں پنڈ دی کڑی سے کیا۔ قیام پاکستان کے بعدوہ اپنے شوہر شوکت حسین رضوی کے ہمراہ ممبئی سے کراچی شفٹ ہو گئیں۔ 1957 میں انہیں شاندار پرفارمنس کے باعث صدارتی ایوارڈ تمغہ امتیاز اور بعد ازاں پرائیڈ آف پرفارمنس سے بھی نوازا گیا ۔ 1965 کی جنگ میں انہوں نے میرے ڈھول سپاہیا، اے وطن کے سجیلے جوانوں، ایہہ پتر ہٹاں تے نیئں وکدے ، او ماہی چھیل چھبیلا، یہ ہواں کے مسافر، رنگ لائے گا شہیدوں کا لہو، میرا سوہنا شہر قصورنیں سمیت بے شمار ملی نغمے گا کر قوم اور فوج کے جوش و ولولہ میں اضافہ کیا۔ انہوں نے مجموعی طور پر 10ہزار سے زائد غزلیں و گیت گائے ،ملکہ ترنم نور جہاں 23دسمبر 2000کو 74برس کی عمر میں انتقال پا گئی تھیں۔
