جِلد کے کینسر کی تشخیص کرنے والا اے آئی ماڈل متعارف
نیویارک(نیٹ نیوز)سائنسدانوں نے ایک نیا اے آئی ماڈل تیار کیا ہے جو جلد کے کینسر کا پتہ لگا سکتا ہے ۔
نائجیریا میں احمدو بیلو یونیورسٹی میں علیو تینگی ابراہیم اور ان کی ٹیم نے ڈیٹا سائنس اور مینجمنٹ میں ایک مطالعہ شائع کیا جس میں انہوں نے ایک جدید AI ماڈل متعارف کرایا ہے جو جلد کے کینسر کا پتہ لگانے کے طریقہ کار میں انقلاب لا سکتا ہے ۔ یہ ماڈل جلد کے زخموں کو سات الگ الگ زمروں میں تقسیم کرتا ہے ۔ ایک جدید ترین ڈیپ لرننگ ماڈل جلد کے زخموں کو زمرہ جات میں درجہ بندی کرنے کے لیے پانچ ٹرانسفر لرننگ ماڈلز کو ضم کرتا ہے جیسے کہ میلانوما، بیسل سیل کارسنوما اور بینائن کیراٹوسس وغیرہ۔10 ہزار سے زیادہ ڈرموسکوپک امیجز کے وسیع ڈیٹاسیٹ پر تربیت یافتہ ماڈل نے متاثر کن حد 94.49 فیصد درستگی کا مظاہر کیا ہے ۔
روزنامہ دنیا ایپ انسٹال کریں
