راحت فتح علی خان کی بھارتی کرکٹر دھونی سے ملاقات ، ویڈیو وائرل
لاہور(شوبزڈیسک )پاکستان کے معروف گلوکار راحت فتح علی خان نے اپنے انسٹا گرام اکاؤنٹ پر سابق بھارتی کپتان ایم ایس دھونی سے ملاقات کی ویڈیو شیئر کی ہے جو مداحوں میں خوب وائرل ہورہی ہے ۔
گلوکار کے آفیشل انسٹاگرام اکاؤنٹ پر ان کی بھارتی کرکٹر ایم ایس دھونی سے ہونے والی ملاقات کی ایک ویڈیو اور چند تصاویر شیئر کی گئی ہیں۔ ویڈیو میں راحت خوشگوار انداز میں گفتگو کررہے ہیں جبکہ ایم ایس دھونی ان کی باتوں سے محظوظ ہورہے ہیں۔راحت اور دھونی کی اس ملاقات کے دوران بنائی گئی ویڈیو اور تصاویر کے کیپشن میں لکھا گیا ہے کہ ایم ایس دھونی اب تک کے بہترین کھلاڑیوں میں سے ایک ہیں۔
روزنامہ دنیا ایپ انسٹال کریں
