پریانکا چوپڑا بطور ایگزیکٹو پروڈیوسر آسکر کیلئے شارٹ لسٹ
ممبئی(آئی این پی)بالی ووڈ اداکارہ پریانکا چوپڑا کی بطور ایگزیکٹو پروڈیوسر مختصر فلم انوجا آسکر کے حصول کی فہرست میں شامل ہو گئی۔
بھارتی میڈیا کے مطابق پریانکا چوپڑا کی مختصر فلم انوجا کو مارچ میں ہونے والے آسکر کی نامزدگیوں میں شارٹ لسٹ کر لیا گیا ہے ۔یہ فلم دہلی میں شوٹ کی گئی ہے، جس کی کہانی ایک چھوٹی لڑکی انوجا کے گرد گھومتی ہے ، فلم میں چائلڈ لیبر اور تعلیم سے جڑے مسائل پر بات کی گئی ہے ۔یہ فلم اس سے قبل شارٹ فلم فیسٹیول میں لائیو ایکشن شارٹ ایوارڈ حاصل کر چکی ہے۔
روزنامہ دنیا ایپ انسٹال کریں
