امریکا میں نمبر پلیٹ نے ڈرائیور کی زندگی بدل دی
واشنگٹن(نیٹ نیوز)امریکا میں ایک شخص نے ٹریفک میں کٹ مارنے والی گاڑی کے نمبر پلیٹ سے پانچ لاکھ ڈالر کی لاٹری جیت لی۔
ریاست میری لینڈ کے علاقے گلین برنی سے تعلق رکھنے والے شخص نے بتایا کہ وہ ہائی وے پر گاڑی چلا رہے تھے جب ایک بدتمیز ڈرائیور نے انہیں کٹ مارا، جس کے بعد انہوں اس گاڑی کی نمبر پلیٹ یاد کرلی۔بعد ازاں یہ شخص (جس کا نام ظاہر نہیں کیا گیا) ایک دکان پر پہنچا اور یاد کیے ہوئے نمبر کو استعمال کرتے ہوئے لاٹری کے لیے 10 ٹکٹ خریدے ۔انہوں نے بتایا کہ انہوں نے طے کیا کہ اگر لاٹری کھیلنی ہی ہے تو پھر بڑی کھیلنی چاہیے ۔انہوں نے دیکھا کہ ٹریفک میں پیش آنے والی مشکل نے ان کی زندگی بدل دی۔ انہوں نے ہر ٹکٹ پر 50ہزار ڈالر جیتا جو مجموعی طور پر پانچ لاکھ ڈالر کی رقم بنی۔
روزنامہ دنیا ایپ انسٹال کریں
