دانش تیمور کی 4 شادیوں سے متعلق اپنے بیان پر وضاحت
لاہور(شوبزڈیسک) معروف اداکار اور میزبان دانش تیمور نے 4 شادیوں کی اجازت سے متعلق اپنے بیان پر وضاحت پیش کردی۔رمضان ٹرانسمیشن کے دوران، دانش تیمور نے چار شادیوں کے حوالے سے کہا تھا کہ اسلام نے انہیں چار شادیوں کی اجازت دی ہے۔
لیکن اگر وہ ایسا نہیں کر رہے تو یہ ان کی اہلیہ عائزہ سے محبت اور احترام ہے کہ فی الحال میں ان کے ساتھ ہوں’۔فی الحال عائزہ کے ساتھ ہوں یہ کہنے پر دانش تیمور کو شدید تنقید کا سامنا کرنا پڑا جس پر وضاحت پیش کرتے ہوئے انہوں نے ایک حالیہ بیان میں کہا ہے کہ انہوں نے ایسا اس لئے کہا کیونکہ موت زندگی کا کچھ معلوم نہیں کیا معلوم اگلے لمحے وہ رہیں نہ رہیں۔کہ ‘میں آپ سے کہوں گا کہ سب لوگوں کو یہ لفظ فی الحال استعمال کرنا چاہیے ، میں آج بھی اپنے بیان پر قائم ہوں کہ مجھے 4 شادیوں کی اجازت ہے میں کر نہیں رہا کیونکہ مجھے عائزہ سے پیار ہے اور فی الحال میں اس کے ساتھ ہوں، اس کی وجہ یہ ہے کہ مجھے نہیں پتہ ایک سیکنڈ کے بعد میں زندہ رہوں یا نہیں۔ یہ جو لفظ ہے کہ میں ہمیشہ ہوں، ہمیشہ کوئی نہیں رہتا کسی کے ساتھ۔
