سونُو نِگم کا کنسرٹ ہنگامے کی نذر، پتھر،بوتلیں برسائی گئیں
ممبئی (شوبزڈیسک) معروف بھارتی گلوکار سونُو نِگم کو دہلی ٹیکنالوجیکل یونیورسٹی کے سالانہ فیسٹیول میں ناخوش گوار صورتِ حال کا سامنا کرنا پڑ گیا۔۔۔
تقریب کے دوران 1 لاکھ سے زائد افراد پر مشتمل ہجوم نے سٹیج کی جانب پتھر اور بوتلیں پھینکنا شروع کر دیں۔اس موقع پر سونُو نِگم نے کہا کہ میں آپ کے لیے یہاں آیا ہوں تاکہ ہم سب اچھا وقت گزار سکیں، میں آپ کو لطف اندوز ہونے سے منع نہیں کر رہا، لیکن براہِ کرم ایسا نہ کریں۔ہجوم کی طرف سے پھینکی گئی اشیاء سے ان کی ٹیم کے کچھ افراد کو چوٹیں بھی آئیں، جس پر سونُو نِگم نے واضح کیا کہ اس طرح کی حرکتیں نہ صرف ناقابلِ قبول ہیں بلکہ خطرناک بھی ثابت ہو سکتی ہیں۔سوشل میڈیا پر وائرل ویڈیوز میں ایک دلچسپ لمحہ بھی سامنے آیا جب کسی نے سٹیج پر پِنک بنی بینڈ پھینکا، جسے سونُو نِگم نے پہن لیا۔ اس کے بعد ہجوم میں موجود افراد پُوکی پُوکی کے نعرے لگانے لگے ۔
