پاکستان واپسی کا شیڈول جلد طے کروں گا ،پرویز مشرف
واپسی کیلئے اپنی قانونی ٹیم ،پارٹی رہنماؤں اور طبی ماہرین سے مشاورت کررہا ہوں
کراچی (سٹاف رپورٹر ) آل پاکستان مسلم لیگ کے سربراہ جنرل ریٹائرڈ پرویز مشرف سے دبئی میں پارٹی رہنما احمد حسین نے ملاقات کی۔ملاقات میں سیاسی صورتحال،انتخابی اور پارٹی امور پر تفصیلی گفتگو کی گئی ۔ اس موقع پر پرویز مشرف نے گفتگو کرتے ہوئے کہاوہ جلد پاکستان واپسی کا شیڈول طے کریں گے اور عوام کے درمیان ہوں گے ۔انہوں نے کہا وہ پاکستان جلد واپسی کیلئے اپنی قانونی ٹیم ،پارٹی رہنمائوں اور طبی ماہرین سے مشاورت کررہے ہیں اور کسی بھی وقت پاکستان واپس آئیں گے ۔انہوں نے کہا ملک کو اس وقت تیسری سیاسی قوت کی ضرورت ہے ۔عوام آئندہ الیکشن میں چوروں لیٹروں اور کرپٹ عناصر کو مسترد کردیں گے ۔پرویز مشرف نے واضح کیا کہ وہ پاکستان واپسی کے بعد بھرپور سیاسی سرگرمیوں میں حصہ لیں گے ۔احمد حسین نے بتایا کہ پرویز مشرف جلد کراچی سمیت ملک بھر میں اے پی ایم ایل اور اتحادیوں کے عوامی اجتماعات سے خطاب کریں گے ۔ مشرف
