پی ٹی آئی دور کے قرضے گلے کا طوق :احسن اقبال
لاہور(اے پی پی ،مانیٹرنگ ڈیسک)وفاقی وزیر منصوبہ بندی احسن اقبال نے کہا پی ٹی آئی کے دور حکومت میں 80فیصد قرضے لئے گئے جن کی ادائیگی گلے کا طوق بن چکی ہے۔
پاکستان کو آگے لیکر جانا ہے تو آئندہ تین سالوں میں غیر ملکی قرضوں کی ادائیگی کے لیے زر مبادلہ کے ذخائر بڑھانا ہوں گے ، ملکی عدم استحکام سے خود مختاری داؤ پر لگ سکتی ہے ، پی ٹی آئی کو فیصلہ کرنا ہے انتشار کا حصہ بننا ہے یا پاکستان کو آگے لے جانا ہے ۔لاہور میں میڈیا سے گفتگو کرتے ہوئےاحسن اقبال نے کہا کہ بانی پی ٹی آئی مذاکرات چاہتے ہیں تو اداروں پر حملے بند کریں، بانی پی ٹی آئی شکست کھاتے ہیں تو عدالت کا کندھا استعمال کرتے ہیں۔وفاقی وزیر نے کہا کہ پیپلز پارٹی کے ساتھ ہماری کوئی لڑائی نہیں، پیپلز پارٹی اتحادی ہے چھوٹے موٹے ایشوز چلتے رہتے ہیں۔احسن اقبال نے کہا کہ چین کے ساتھ قرضوں اور دیگر ادائیگیوں پر بات چیت سے معاملات حل کریں گے ۔
