پی ٹی اے کا غیرقانونی موبائل فون سمز بندکرنے کا فیصلہ
اسلام آباد(مانیٹرنگ ڈیسک)پاکستان ٹیلی کام اتھارٹی(پی ٹی اے)نے غیر قانونی سمز بلاک کرنے کا فیصلہ کرلیا۔پی ٹی اے نے اپنے اعلامیہ میں کہا ہے کہ منسوخ شدہ شناختی کارڈز، زائدالمیعاد شناختی کارڈز اور فوت شدگان کے ناموں پر جاری سمز بلاک کردی جائیں گی۔
ترجمان کے مطابق منسوخ شدہ شناختی کارڈز پر جاری سمز 16 اگست، زائدالمیعاد شناختی کارڈ پر جاری سمز 2 ستمبر اور فوت شدگان کی موبائل سمز 15 اکتوبر کو بند کی جائیں گی۔2ستمبر تک شناختی کارڈ کی تجدید کروانے پر سمز بحال رکھی جائیں گی ، پی ٹی اے نے بلاک کی جانے والی سمز پر انہیں بلاک کرنے کا الرٹ بھجوا دیا ہے ، فوت شدگان کی سمز کو ان کے قریبی رشتہ دار اپنے نام پر ٹرانسفر کراسکیں گے ، سم اپنے نام ٹرانسفر کرانے کے لئے انہیں اصل ڈیتھ سر ٹیفکیٹ اور رشتہ داری کا ثبوت فراہم کرنا ہوگا۔ پی ٹی اے نے نادرا سے زائد المیعاد شناختی کارڈز، منسوخ شدہ شناختی کارڈز اور فوت شدگان کے شناختی کارڈز کا ڈیٹا طلب کرلیا ہے۔
