شہربھر میں ڈاکے، چوریاں، شہری لاکھوں روپے سے محروم
لاہور(کرائم رپورٹر)لاہور شہر میں چوری اور ڈکیتی کی متعدد وارداتوں میں شہریوں کو لاکھوں روپے ،طلائی زیورات ،موبائل فونز،3 موٹر سائیکلیں اور2کاروں سے محروم کردیا گیا۔
بتایاگیاہے کہ ڈاکو ماڈل ٹاؤن میں عاطف سے اڑھائی لاکھ روپے اور موبائل فون،جوہر ٹاؤن میں ہارون سے 2لاکھ 45 ہزار روپے اور موبائل فون،شادمان میں ندیم سے 2لاکھ 25ہزار روپے ،موبائل فون اور دیگرقیمتی سامان،سبزہ زار میں اویس سے 2 لاکھ 20 ہزار روپے اور موبائل فون،شالیمار میں اظہر سے 2 لاکھ 15ہزار روپے اور موبائل فون، نشترکالونی میں صدیق سے 1 لاکھ 80ہزار روپے ،موبائل فون اور دیگر قیمتی سامان لوٹ کر فرارہوگئے ۔چوروں نے سندر اور ہڈیارہ سے کاریں جبکہ مسلم ٹاؤن ،اچھرہ اور غالب مارکیٹ سے موٹرسائیکلیں لے کر رفوچکر ہوگئے۔
روزنامہ دنیا ایپ انسٹال کریں
