ملک بھر میں فلائٹ آپریشن معمول کے مطابق جاری رہے گا:سی اے اے
اسلام آباد (مانیٹرنگ ڈیسک)سول ایوی ایشن اتھارٹی (سی اے اے ) کے اعلامیہ کے مطابق اسلام آباد سمیت ملک بھر میں فلائٹ آپریشن معمول کے مطابق جاری رہے گا۔
اعلامیے میں کہا گیا ہے کہ بین الاقوامی پروازوں کے مسافروں کو اسلام آباد ایئرپورٹ پر روکنے کی خبریں سراسر جھوٹ اور بے بنیاد ہیں۔سی اے اے نے سوشل میڈیا پر زیر گردش خبروں کو فیک نیوز قرار دے کر مسترد کردیا۔ذرائع کے مطابق سی اے اے نے جھوٹی خبریں پھیلانے والے اکاؤنٹس کیخلاف قانونی کارروائی کا آغاز بھی کردیا ہے ۔
روزنامہ دنیا ایپ انسٹال کریں
