مغرب پاکستان روس تعلقات پرناراض نہ ہو:اویس لغاری
اسلام آباد (مانیٹرنگ ڈیسک)وفاقی وزیر توانائی سردار اویس احمد خان لغاری نے کہا ہے کہ پاکستان روس تعلقات پر مغرب کو ناراض نہیں ہونا چا ہئے ۔
روسی میڈیا کو انٹرویو میں انہوں نے کہا ہم پاک روس تعلقات سے دونوں ممالک کے عوام کو فائدہ پہنچانا چاہتے ہیں، پاک روس تعلقات نہ ہی کسی کو نقصان پہنچانے کیلئے ہیں نہ ہی کسی کے مفاد کے خلاف ہیں، ان تعلقات سے دونوں ممالک کے عوام کو فائدہ پہنچے گا، یہ فوائد اقتصادی فوائد میں تبدیل ہو جائیں گے ۔ انہوں نے کہا کہ مارچ سے پاکستان اور روس کے درمیان آزمائشی مال بردار ٹرین چلے گی، ہم پاکستان اور روس کے درمیان براہِ راست فضائی سروسز کے قیام پر غور کر رہے ہیں تاکہ عوام کے درمیان رابطے بڑھیں اور کاروبار کو فروغ ملے ۔
روزنامہ دنیا ایپ انسٹال کریں
