پاک بحریہ کا شمالی بحیرہ عرب میں کامیاب آپریشن، لاکھوں ڈالر مالیت کی منشیات ضبط
کراچی (مانیٹرنگ ڈیسک) پاک بحریہ نے کامیاب انسداد منشیات آپریشن کرکے منشیات کی بڑی کھیپ ضبط کرلی۔ پاک فوج کے شعبہ تعلقات عامہ آئی ایس پی آر کے مطابق انسداد منشیات آپریشن شمالی بحیرہ عرب میں کیا گیا۔
پی این ایس معاون نے مشکوک کشتی پر بورڈنگ آپریشن کرکے منشیات قبضے میں لی۔ ضبط شدہ منشیات کی بین الاقوامی مارکیٹ میں مالیت تقریباً 1 ملین امریکی ڈالر ہے ۔ منشیات سمندر کے راستے بین الاقوامی مقامات تک پہنچائی جانی تھی۔ پاک بحریہ سمندری حدود میں غیر قانونی سرگرمیوں کی روک تھام کے لئے سرگرم ہے ۔
روزنامہ دنیا ایپ انسٹال کریں
