اڈیالہ جیل کے 2بیمارقیدی ہسپتال منتقلی کے دوران چل بسے
راولپنڈی(مانیٹرنگ ڈیسک،آئی این پی) اڈیالہ جیل میں 2 قیدی انتقال کرگئے ۔ذرائع کے مطابق روات کا رہائشی قیدی محمد امین اڈیالہ جیل میں دل کی تکلیف کے باعث انتقال کرگیا۔
ذرائع کا کہنا ہے کہ قیدی کو دل کی تکلیف کے باعث جیل سے راولپنڈی کارڈیالوجی ہسپتال لے جایا گیا تاہم قیدی راستے میں ہی انتقال کرگیا۔جیل ذرائع کا کہنا تھاکہ جاں بحق قیدی چیک ڈس آنر کے مقدمے میں اڈیالہ جیل میں تھا۔اڈیالہ جیل کا دوسرا قیدی الیاس نذربھی انتقال کرگیا۔ جیل ذرائع کے مطابق الیاس نذر کو صحت کی خرابی کے باعث پمزہسپتال منتقل کیا جارہا تھا تاہم وہ بھی راستے میں دم توڑ گیا۔جیل ذرائع نے بتایاکہ قیدی الیاس نذر منشیات کے مقدمہ میں گرفتار تھا۔
روزنامہ دنیا ایپ انسٹال کریں
