پٹرول ایک ،ڈیزل4،مٹی کا تیل 3.20روپے لٹر سستا
اسلام آباد (دنیا نیوز)عالمی مارکیٹ میں خام تیل کی قیمتوں میں کمی کے بعد پاکستان میں بھی پٹرولیم مصنوعات کی قیمتوں میں کمی کر دی گئی۔نوٹیفکیشن کے مطابق فی لٹر پٹرول کی قیمت ایک روپیہ کمی کے ساتھ 256روپے 13 پیسے ہوگئی ۔
ہائی سپیڈ ڈیزل فی لٹر 4روپے سستا ہونے سے 263روپے 95پیسے کا ہوگیا۔ مٹی کے تیل کی قیمت 3 روپے 20 پیسے فی لٹر کم ہونے سے 171روپے 65 پیسے ہوگئی ،لائٹ ڈیزل 5 روپے 25 پیسے کمی سے 155روپے 81 پیسے فی لٹر ہوگیا ،وزارت خزانہ نے نئی قیمتوں کا اعلامیہ جاری کردیا ۔ آئندہ 15دن کیلئے نئی قیمتوں کا اطلاق رات بارہ بجے سے ہو گیا۔دوسری جانب عالمی منڈی میں خام تیل کی قیمتوں میں 6 فیصد تک کمی ہوئی ، خام تیل کی قیمتیں 83.40 ڈالر سے کم ہو کر 78.35 ڈالر فی بیرل ہو گئیں۔
روزنامہ دنیا ایپ انسٹال کریں
