وزیرستان بلاک میں گیس و تیل کے دوسرے بڑے ذخائردریافت
اسلام آباد(مانیٹرنگ ڈیسک)ملکی توانائی کے شعبے میں اہم پیشرفت،خیبر پختونخوا وزیرستان بلاک میں گیس و تیل کے دوسرے بڑے ذخائر دریافت ہوئے ہیں۔
ماڑی انرجیز کی جانب سے پاکستان سٹاک ایکسچینج انتظامیہ کو بذریعہ خط آگاہ کیا گیا ہے کہ پختونخوا میں سپن وام ون کنویں سے دوسری بار تیل و گیس ذخائر دریافت ہوئے ہیں۔ کنویں سے ہلکے تیل اور گیس کا بہاؤ 3 ہزار 4 سو 31 پاؤنڈ فی مربع انچ ہے اوریومیہ گیس کی مقدار 20.485 ایم ایم ایس سی ایف ڈی ہے جبکہ ہلکے تیل کے ذخائر کی یومیہ مقدار 117 بیرل ہے ۔
روزنامہ دنیا ایپ انسٹال کریں
