جدہ جانیوالی پرواز بڑے حادثے سے بچ گئی، لاہور ایئرپورٹ پرہنگامی لینڈنگ
لاہور(آئی این پی)لاہور سے جدہ جانے والی نجی ایئر لائن کی پرواز ای آر 821 بڑے حادثے سے بال بال بچ گئی۔
ایئر پورٹ اتھارٹی ذرائع کے مطابق لاہور ایئرپورٹ سے ٹیک آف کرتے ہی طیارے کے انجن میں خرابی سامنے آئی اور8 گھنٹے تاخیر سے لاہور سے جدہ روانہ ہونے والی پرواز نے اڑان بڑھتے ہی ہنگامی لینڈنگ کی۔ کاک پٹ کریو نے انجن میں شدید وائبریشن کی نشاندہی کی اورپائلٹ نے ائیر پورٹ ٹریفک کنٹرول سے لینڈنگ کی اجازت طلب کی۔ فوری لینڈنگ کی ہدایات پر پائلٹ نے طیارے کو بحفاظت لاہور ایئرپورٹ لینڈ کروایا جسکے بعد طیارے میں سوار 200 سے زائد مسافروں کو اتار کر ویٹنگ ایریا میں بھجوا دیا گیا۔ذرائع نے بتایا کہ طیارے کی ابتدائی انسپکشن میں انجن میں خرابی سامنے آئی۔بعد ازاں ایئرلائن انتظامیہ نے مسافروں کو متبادل پرواز میں ایڈجسٹ کرکے جدہ روانہ کرنے کا فیصلہ کیا۔
روزنامہ دنیا ایپ انسٹال کریں
