پی ٹی آئی کا ممکنہ احتجاج، اڈیالہ جیل کے اطراف خصوصی سکیورٹی
راولپنڈی (این این آئی) تحریک انصاف کے ممکنہ احتجاج کے باعث اڈیالہ جیل کے اطراف میں خصوصی سکیورٹی پلان نافذ کر دیا گیا۔
رپورٹ کے مطابق خصوصی سکیورٹی پلان اڈیالہ جیل کے باہر پی ٹی آئی کارکنوں کی ممکنہ آمد اور احتجاج کی اطلاعات پر نافذ کیا گیا، جیل جانے والے راستوں پر اضافی ناکہ بندیاں قائم کی گئیں اور سکیورٹی کیلئے اضافی اہلکاروں کی ڈیوٹیاں بھی لگا دی گئی ہیں جو 3 شفٹوں میں ڈیوٹی انجام دیں گے ۔ تعینات پولیس اہلکاروں کو ہنگامی صورتحال میں ریزرو فورس کی بھی معاونت حاصل ہو گی، سکیورٹی اہلکاروں کو اینٹی رائٹ کٹس بھی فراہم کردی گئی ہیں۔ ذرائع کے مطابق اڈیالا جیل جانے والے راستوں پر 8 اضافی پکٹس قائم کر دی گئی ہیں جب کہ سکیورٹی پلان کے تحت 200کے قریب افسران و اہلکار تعینات کیے گئے ہیں۔
روزنامہ دنیا ایپ انسٹال کریں
