وفاق نے بلوچستان میں قید افراد کے جرمانے کی ادائیگی کیلئے 80 لاکھ جاری کردیئے
اسلام آباد ( نیوز ایجنسیاں )وفاقی حکومت نے بلوچستان کی جیلوں میں سزا یافتہ قیدیوں کے لئے عرش، دیت اور دمن کی ادائیگی کی مد میں 80 لاکھ روپے کی رقم جاری کر دی۔
یہ رقم ایڈیشنل چیف سیکرٹری داخلہ بلوچستان حمزہ شفقات نے چیک کی صورت میں وصول کی جو وفاقی حکومت کی جانب سے ڈائریکٹر ہیومن رائٹس کے توسط سے جاری کی گئی۔اس رقم سے ان قیدیوں کو رہائی دلوائی جائے گی جو مالی وسائل نہ ہونے کی وجہ سے اپنی سزا پوری کرنے کے باوجود جیلوں میں قید ہیں۔ایڈیشنل چیف سیکرٹری نے کہا کہ حکومت بلوچستان اس رقم کو شفاف طریقے سے مستحق قیدیوں میں تقسیم کرے گی تاکہ وہ اپنی قانونی ذمہ داریوں کی ادائیگی کے بعد جیلوں سے رہائی پا سکیں۔
روزنامہ دنیا ایپ انسٹال کریں
