سزا پوری کرنے و الے غیرملکی قیدیوں کورہاکرنے کاحکم
لاہور (اے پی پی)سپریم کورٹ نظرثانی بورڈ نے غیر ملکی قیدیوں کی رہائی کا حکم دیتے ہوئے سزا مکمل کرنے والے قیدیوں کو ان کے ممالک واپس بھجوانے کی ہدایت کردی۔
سپریم کورٹ نظرثانی بورڈ کا اجلاس سپریم کورٹ لاہور رجسٹری میں ہوا ۔ ہفتہ کے روز سماعت پر ایڈیشنل ہوم سیکرٹری پنجاب اور سپرنٹنڈنٹ کوٹ لکھپت جیل سمیت غیر ملکی قیدیوں کا معائنہ کرنے والے پنجاب انسٹیوٹ آف مینٹل ہیلتھ کے ڈاکٹرز کے علاہ پنجاب حکومت کے دیگر افسر بھی پیش ہوئے ۔ اس موقع پر 35 مرد اور4 خواتین غیر ملکی قیدی سپریم کورٹ رجسٹری لاہور میں پیش کئے گئے ۔ان قیدیوں پر غیر قانونی سرحد پار کرنے اورسمگلنگ کے الزامات عائدکئے گئے ہیں،ان قیدیوں کا تعلق بھارت، افریقہ، کینیااور بنگلہ دیش سمیت مختلف ممالک سے ہے ،نظرثانی بورڈنے غیر ملکی قیدیوں کو بہتر خوراک اور طبی سہولتیں دینے کی ہدایت بھی کی ہے ۔
روزنامہ دنیا ایپ انسٹال کریں
