حیدرآباد واقعہ افسوسناک انتظامی غفلت کا شاخسانہ ،متحدہ
کراچی (اسٹاف رپورٹر) متحدہ قومی موومنٹ پاکستان کے اراکین سندھ اسمبلی نے حیدرآباد میں پٹاخہ فیکٹری میں آتشزدگی اور ہلاکتوں پر شدید تشویش کا اظہار کرتے ہوئے کہا ہے کہ افسوسناک واقعہ سراسر انتظامی غفلت کا شاخسانہ ہے ۔
مذمتی بیان میں انہوں نے مزیدکہا کہ رہائشی علاقوں میں آبادی کے درمیان موجود اس طرح کے کارخانے شہریوں کی جانوں کو خطرے میں ڈالے ہوئے ہیں، جبکہ شہری انتظامیہ خواب غفلت میں مبتلا ہے ۔ انہوں نے مطالبہ کیا کہ فی الفور معاملے کی شفاف تحقیقات کر کے ملوث کرداروں کو قرار واقعی سزا دی جائے ، مزید یہ کہ ہلاک اور زخمی ہونے والوں کی مکمل دادرسی کی جائے ۔ بعد ازاں حق پرست رکن سندھ اسمبلی صابر قائم خانی، ایم کیو ایم حیدرآباد زون کے انچارج و اراکین کمیٹی نے جائے وقوعہ کا دورہ اور اسپتال جاکر زخمیوں کی عیادت کی۔ ہلاک شدگان کے ورثا کو ایم کیو ایم نے ہر طرح کے تعاون کا یقین دلایا۔
