چترال، 68 ہزار امریکی ڈالرز میں کشمیری مارخور کا شکار
چترال(آئی این پی )چترال کے علاقہ گہریت گول میں غیرملکی شکاری نے کشمیری مارخور کا شکارکر لیا۔
محکمہ جنگلی حیات کے مطابق روسی شکاری نے مارخور کے شکارکا لائسنس68ہزار امریکی ڈالرزمیں لیا تھا اور شکار کیے گئے مارخور کے سینگوں کی لمبائی 41 انچ ہے ۔محکمہ جنگلی حیات کے مطابق مارخور کا شکار کمیونٹی بیسڈ ٹرافی ہنٹنگ پروگرام کے تحت کیا گیا اور اس ہنٹنگ پروگرام کی آمدن کا بڑا حصہ مقامی آبادی کی فلاح وبہبود پرخرچ کیا جائے گا۔محکمہ جنگلی حیات نے کہا کہ اس ہنٹنگ پروگرام کا مقصد جنگلی حیات کا تحفظ اور مقامی آبادی کو معاشی فوائد دینا ہے ۔
روزنامہ دنیا ایپ انسٹال کریں
