سپیکر کی جمعرات تک اپوزیشن لیڈرکے تقررکی یقین دہانی
پی پی ٹی آئی کے چیف وہپ آج دوبارہ کاغذات نامزدگی جمع کرائیں گے بیرسٹر گوہر کی سربراہی میں ارکان قومی اسمبلی کی ایازصادق سے ملاقات
اسلام آباد(مانیٹرنگ ڈیسک)قومی اسمبلی میں اپوزیشن لیڈر کی تقرری پر سپیکر اور تحریک انصاف کے درمیان معاملات طے پا گئے ہیں۔ پی ٹی آئی کے ارکان قومی اسمبلی کی قیادت بیرسٹر گوہر علی خان کر رہے تھے ، ملاقات میں اسد قیصر،عامرڈوگر،عاطف خان سمیت دیگرارکان قومی اسمبلی شریک تھے ۔سپیکرقومی اسمبلی نے جمعرات تک اپوزیشن لیڈرکی تقرری کی یقین دہانی کرا دی ، آج منگل کو پی پی ٹی آئی کے چیف وہپ دوبارہ اپوزیشن لیڈرکی کاغذات نامزدگی جمع کرائیں گے ، کل بدھ کو سپیکر قومی اسمبلی اپوزیشن لیڈر کیلئے کاغذات نامزدگی کا جائزہ لیں گے ، جمعرات کو قومی اسمبلی میں اپوزیشن لیڈرکی تقرری کا نوٹیفکیشن جاری ہو گا۔پی ٹی آئی رہنما اور سابق سپیکر اسد قیصر نے کہا کہ اپوزیشن لیڈر کی تقرری دو سے تین دن میں ہوجائے گی ، اس حوالے سے سپیکر قومی اسمبلی سے ملاقات ہوئی ہے ، سپیکر نے اپوزیشن لیڈر کی تقرری کا عمل شروع کردیا ہے ۔
