حج2026:پاکستانی حجاج کیلئے 3حفاظتی ویکسین لگوانا لازمی قرار
سعودی کے مطابق گردن توڑ بخار، انفلوئنزا اور پولیو ویکسین لگوانا لازمی ہوگا وزارت مذہبی امور 5لاکھ۱10ہزار ویکسین خریدے گی اور پانچ فیصد مفت لے گی
اسلام آباد (ایس ایم زمان )سعودی عرب کی طرف سے پابندی کے بعد سال 2026 کے حج پر جانے والے پاکستانی حجاج کے لیے تین حفاظتی ویکسین لگوانا لازمی ہو گا، سعودی عرب نے انسداد کورونا ویکسین لگوانے کی پابندی ختم کر دی ، اب پاکستانی حجاج کے لیے انسداد کورونا ویکسین نہیں لگائی جائے گی، سعودی عرب کی جانب سے پاکستانی حجاج کے لیے گردن توڑ بخار، انفلوئنزا اور پولیو ویکسین لازمی قرار دی گئی ہے ، پاکستانی حجاج کے لیے رواں سال حج پر جانے سے قبل مذکورہ تینوں ویکسین لگوانا لازمی ہو گا، وفاقی وزارت مذہبی امور نے حجاج کرام کو فریضہ حج کی ادائیگی کے لئے سعودی عرب روانگی سے قبل گردن توڑ بخار ،انفلوئنزا اورپولیو سے بچائو کی ویکسین لگوانے کا فیصلہ کیا ہے ، وفاقی وزارت مذہبی امور نے مذکورہ تینوں ویکسین خریدنے کا فیصلہ کیا ہے ، وزارت مذہبی امور گردن توڑ بخار ، انفلوئنزا اور انسداد پولیو کے لیے ایک لاکھ 70 ہزار فی ویکسین خریدے گی ، وزارت مجموعی طور پر پانچ لاکھ دس ہزار تینوں ویکسین کی خریداری کرے گی، وزارت مذہبی امور کمپنیوں سے مذکورہ ویکسین خریداری کے علاوہ پانچ فیصد مفت ویکسین بھی لے گی ۔
