کے فور 7ارب 80کروڑ ضمنی بجٹ، ای سی سی میں آج منظوری
وفاقی وزارت آبی وسائل کی سمری ایجنڈے میں شامل کی گئی ہے :کابینہ ڈویژن
اسلام آباد (ایس ایم زمان ) وفاقی وزارت آبی وسائل نے گریٹر کراچی بلک واٹر سپلائی اسکیم 'کے فور' منصوبے کیلئے 7 ارب 80 کروڑ روپے تکنیکی ضمنی (سپلیمنٹری) بجٹ نے مانگ لیا جس کی وفاقی حکومت نے منظوری کی سمری ای سی سی کو بھجوا دی ہے ، ای سی سی کے آج اجلاس میں مذکورہ سمری پر تکنیکی ضمنی بجٹ کی منظوری دی جائے گی۔ کابینہ ڈویژن کے مطابق وزارت آبی وسائل کی جانب سے کے فور منصوبے کے 7 ارب 79 کروڑ 71 لاکھ 60 ہزار روپے کے تکنیکی ضمنی بجٹ کی سمری ایجنڈے میں شامل کی گئی ہے ۔ دستاویز کے مطابق تکنیکی ضمنی بجٹ کی منظوری کیلئے اقتصادی رابطہ کمیٹی کا اجلاس آج (24 اگست ) ہوگا جس کی صدارت وفاقی وزیر خزانہ محمد اورنگزیب کریں گے ۔ اجلاس میں اقتصادی اور مالی امور سے متعلق دیگر معاملات بھی زیرِ غور آئیں گے ۔ کے فور منصوبہ کراچی کو اضافی پانی فراہم کرنے کیلئے شروع کیا گیا، وفاقی حکومت اس منصوبے کے مالی انتظام میں اپنا کردار ادا کرتی رہی ہے ۔
Comments / رائے دیں
Share your thoughts. Comments are reviewed before they appear publicly.
Approved Comments